Тирикчилик учун янги машина бор, энди қизининг операциясига пул керак
Россиялик блогерлар Гусейн Гасанов ва Арутюн Назарянлар қирғизистонлик такси ҳайдовчисига янги машина совға қилишди.
Мазкур блогерлар ижтимоий эксперимент ўтказиш мақсадида Москвада ишлаётган такси ҳайдочиларига мурожаат қилишиб, пуллари йўқ эканини айтиб, манзилга бепул олиб бориб қўйишларини сўрашган. Уларнинг инстаграм каналидаги видеода улар ким уларни бепул манзилига етказиб қўйишга рози бўлса, бепул машина олиб беришларини эълон қилишган.
Блогерлар бир неча бор рад жавобини олишгач, ниҳоят ҳайдовчилардан бири уларнинг ҳожатини чиқаришга рози бўлди.
Йўл давомидаги суҳбатдан маълум бўладики, ҳайдовчи қирғизистонлик бўлиб, Москвада анчадан бери ишлайди, ойига 40 минг рубль пул топади экан. Машина ижараси учун кунига унинг эгасига 1600 рубль тўлайди. Суҳбат давомида йигит икки фарзанди борлиги ва кенжа қизининг бир қулоғи яхши эшитмаслиги сабаб операцияга муҳтож эканини айтган.
Шундан сўнг блогерлар ҳайдовчини автосалонга олиб бориб, унга янги Kia Rio русумли машина сотиб олиб беришган. Видеода қувончига сиғмаган йигитнинг кўз ёшларини яширишга куч тополмагани акс этган.
“Яхшилик албатта қайтади”, – дейди видеода Арутюн Назарян.
Кўп ўтмай интернетда яна бир хабар тарқади. Ундан маълум бўлишича, ҳайдовчининг исми шарифи Эген Апсаматов бўлиб, энди қизининг операциясига пул тўплай бошлаган. Операцияга 1,5 миллион рубль зарур. У билан суҳбатлашган бошқа блогер Улуқбек Сапарбек уулу ўзининг инстаграм каналида пул ўтказиш учун банк реквизитларини эълон қилган.
Яхши ишга шерик бўлишни истаганлар, марҳамат:
Bu gönderiyi Instagram’da gör
Оқбура, Бишкек
