Икки чўнтак олмос: Тошкент халқаро аэропортида йирик контрабанданинг олди олинди
Божхона ходимлари қимматбаҳо тошларни ноқонуний олиб кирмоқчи бўлган икки шахсни ушладилар.
Тошкент халқаро аэропортида 1,8 млрд сўмлик ($145 мингдан ортиқ) олмосларни Ҳиндистондан Ўзбекистон ҳудудига ноқонуний йўл билан олиб кирмоқчи бўлган икки шахс қўлга олинди.
Ўзбекистон Республикаси Давлат божхона қўмитаси берган хабарга кўра, Тошкентга Ҳиндистон пойтахти Деҳли шаҳридан учиб келган йўловчилардан бирининг пальтоси чўнтагидан 281 қарат ўлчамдаги қимматбаҳо тошлар топилган.
Йўловчи олмосларни божхона назоратини четлаган ҳолда олиб ўтмоқчи бўлган. Дастлабки ҳисоб-китобларга кўра, олмосларнинг умумий қиймати 873 млн. сўмдан кўпроқ экани айтилмоқда.
Ҳиндистондан учиб келган яна бошқа бир йўловчининг юкларини кўздан кечириш давомида унинг ҳам 57 дона турли ўлчамдаги олмосни Ўзбекистонга яширинча олиб киришга урингани фош бўлди.
Божхона назоратига тақдим қилинмаган бу қимматбаҳо тошларнинг қиймати дастлабки ҳисоб-китобларга кўра 942 млн. сўмдан ошади.
Хабарда иккинчи йўловчининг ҳорижий фуқаро экани айтилади, бироқ биринчисининг кимлиги ҳақида маълумот йўқ. Бу икки шахснинг бир-бирлари билан алоқаси бор-йўқлиги ҳам ҳозирча ноъмалум.
Оқбура, Бишкек.
Расм интернетдан олинди
