Onix яна қимматлади. Ўзбекистонда чиқадиган бошқа моделдаги автомобиллар ҳам
Аҳоли учун автомобил олиш муаммо бўлаётганда чиройли давлат рақами учун 4 машина пулини берганлар бор.
Ўзбекистоннинг UzAuto Motors ширкатига мансуб Chevrolet Onix русумидаги машиналарнинг энг арзони 149 млн. сўмдан (12 200 доллар атрофида) 177 млн. сўмгача қимматлади. Қизиғи, нархи оширилган 5 турдаги Onix русумидаги машиналарини сотувда топа олмайсиз.
Chevrolet.uz сайтида ёйинланган маълумотга кўра, автомобилларнинг нархлари 4,6 млн. сўмдан 28 млн. сўмгача ошган. “Кун.уз” нашри нархлар ошгани ҳақидаги маълумотлар бу сафар ҳам расман эълон қилинмаганини эътироф этмоқда.
Беш турдаги Chevrolet Onix моделидаги машиналарнинг нархларининг ўзгариши қуйидагича экани айтилади:
Chevrolet Onix LS MT 149 млн. сўм турган бўлса, энди 176,9 млн. сўмга сотилади. Chevrolet Onix 1LT MT нархи 155 млн. сўмдан 180,8 млн. сўмга кўтарилган бўлса, Chevrolet Onix 4LT LTZ Turbo AT машинасини (185 млн. сўм) энди 199,9 млн. сўмга олиш мумкин.
Chevrolet Onix Premier 1 тури 207,3 млн. сўмдан 211,9 млн. сўмга, Chevrolet Onix Premier 2 тури эса 214,7 млн. сўмдан 219,6 млн. сўмга қимматлаган.
“Кун.уз” нашри берган хабарга кўра, UzAuto Motors компанияси аввалроқ Onix 3LT MT моделининг нархини ҳам 159 млн. сўмдан 184,7 млн. сўмга ошириб, кейин сотувга чиқарган. Демак, яқин орада аталган русмдаги автомобил турлари бозорда пайдо бўлиши мумкин.
Ўзбекистонликлар учун машина сотиб олиш тобора қийинлашиб бораётган бир пайтда автомобилни ҳашамат сифатида қабул қилаётганлар ҳам йўқ эмас.
Масалан, 2022 йилнинг майида Наманган вилоятида машина эмас, чиройли (50 777 ZZZ) давлат рақами учун салкам 670 миллион сўм (қарийб 55 минг АҚШ доллари) тўлаган. Бу пулга 4 дона Onix русумидаги машина олиш мумкин. Рақамнинг бошланғич нархи 135 миллион сўмни ташкил қилган.
Нархларнинг ошиши нафақат Onix серияси, балки оммабоп русумдаги автомобилларга ҳам тегишли. Масалан, октябр ойида ўртача даромадли, ўзига тўқ оилалар ҳам сотиб олиши мумкин бўлган Lacetti, Damas, Labo вa Cobalt моделларининг нархлари ҳам 4,7 млн. сўмдан 9 млн. сўмгача қимматган.
Ўзбекистон Марказий Осиё минтақасида ўз автосаноатига эга бўлган ягона давлат. Турли маълумотларга кўра, мамлакатда йилига 250 минг дона атрофида машина ишлаб чиқарилади. Унинг асосий қисми Россия, Қозоғистон ва бошқа қўшни давлатларга экспорт қилинади.
Оқбура, Бишкек.
Расм интернетдан олинди
