Ўзбекистонда юк машиналарини ишлаб чиқариш суръати пасайгани қайд этилди
Жорий йилнинг 10 ойи давомида Ўзбекистонда жами 3300 донага яқин юк автомобиллари ишлаб чиқарилган.
Жорий йилнинг январь-октябрь ойларида Ўзбекистон саккиз хорижий давлатга ҳар бирининг қиймати 11,5 миллион АҚШ долларига тенг бўлган 700дан ортиқ юк автомобилларини экспорт қилган. Бу миқдор ўтган йилнинг шу даврига нисбатан 37 донага камдир.
Давлат статистика қўмитасининг қайд қилишича, Ўзбекистонда ишлаб чиқарилган юк автомобилларининг энг кўпи қўшни Қозоғистонга (505 дона ёки 70 фоиздан кўпроқ) сотилган. Юк машиналари импортёрлари орасида қўшни Қирғизистон (84 та), Сингапур (71 та), Афғонистон (29 та) ва бошқа мамлакатлар бор.
Расмий маълумотларга кўра, 2021 йилнинг 10 ойи давомида Ўзбекистондаги турли автозаводларда жами 3257 дона юк автомобили ишлаб чиқарилган. Бу ўтган йилнинг шу даврига нисбатан ҳам 1,5 фоизга камдир.
Коронавирус пандемияси авжига чиққан 2020 йилнинг январь-октябрь ойларида ҳам мамлакатда 3306 дона юк автомобили ишлаб чиқарилган. Афтидан, бу пасайишга пандемияга боғлиқ муаммолар инерцияси сабаб бўлаётган кўринади. 2019 йилнинг бу даврида эса мазкур кўрсаткич 4440 тага тенг эди.
Эслатиб ўтамиз, Ўзбекистон – Марказий Осиё давлатлари орасида ўз автомобиль саноатига эга бўлган ягона давлатдир. Бу ерда мустақиллик даврида қурилган бир нечта автомобиль заводларида энг замонавий енгил автомашиналардан тортиб, кўп тоннали юк машиналари ва махсус техника ҳам ишлаб чиқарилади.
Оқбура, Бишкек
Манба: www.centralasian.org
