Кимнинг паспорти кучли ва бу қандай аниқланади?
Рейтингда Марказий Осиё давлатларининг паспортлари охирги ўринларни эгаллаб турибди.
Марказий Осиё мамлакатларининг паспортлари ўзининг кучи бўйича халқаро рейтингда охиргига яқинроқ ўринларда экани аниқланди. Рейтингда юзга яқин давлат ҳисобга олиниб, уларнинг фуқаролари миллий паспортлари билан нечта давлатга визасиз кириши ёки бошқа давлатга етиб боргач, ўша ерда виза олиши мумкинлигига қараб баҳо берилади.
Жаҳондаги давлатларнинг паспорт кучи бўйича Arton Capital ташкилоти томонидан тузилган ушбу рейтингда минтақа давлатларидан Қозоғистон энг илғори бўлиб, 53-ўринни эгаллаган, ундан кейин Қирғизистон (67-ўрин), учинчи ўринда Ўзбекистон (71-ўрин) бормоқда. Улардан кейинги ўринларни 72-ўрин билан Тожикистон ва Туркманистон (79-ўрин) эгаллашган.
Рейтингда Бирлашган Араб Амирликлари паспорти энг кучли деб топилганки, бу давлат паспорти билан дунёнинг 125 давлатига визасиз кириш мумкин. Энг охирги ўрин бор-йўғи бешта давлатга визасиз кириш имкониятини берган Афғонистон паспортига берилган.
Бугунги кунда Қирғизистон фуқаролари 25 давлатга визасиз киришлари мумкин, 42 давлатга эса, у ерга боргач виза олишлари мумкин. Тожикистон паспорти билан 24 давлатга, Ўзбекистон паспорти билан эса 26 давлатга визасиз кириш мумкин бўлса, 45 мамлакатга кириш учун визани ўша ерга етиб боргандан кейин олиш мумкин.
Минтақа давлатлари ичида илғори ҳисобланган Қозоғистон паспорти билан 35 давлатга визасиз кириш мумкин.
Оқбура, Бишкек.
Расм интернетдан олинди
