Ҳа, ўзбегима! Беш минг доллар учун ҳамюртини отиб ташлади
Америкада икки ўзбекистонлик ўртасида чиққан жанжал ёшроғининг ўлими билан тугади.
Америка Қўшма Штатларида икки Ўзбекистон фуқароси ўртасида 5 минг доллар туфайли жанжал чиққан. Сўнгида улардан бири иккинчисини отиб ўлдирган. Бу ҳақда турли манбалар Американинг “Fox 35” нашрига таяниб хабар қилдилар.
Маълум бўлишича, ҳодиса уч кун аввал, 16 январь куни Флорида штатининг Осеола округида содир бўлган. Қотил ёши 41-42да дейилган Ғани Жўрабоев исмли шахс, исми аталмаган 31-ёшли қурбоннинг фамилияси Нишонбоев экани маълум бўлди. Уларнинг ҳар иккиси ҳам АҚШга ишчи визаси билан келишган, фақат қурбоннинг виза муддати 2022 йилнинг мартида тугаган экан.
Терговчилар журналистларга жанжалга 5 минг доллар пул устида бўлган жанжал сабаб бўлганини айтишган. Даҳанаки жанг муштлашувга айланиб кетгач, қурбон ёшроқ бўлгани учунми, гумонланувчига мушт билан қаттиқроқ зарба берган. Аламзада гумонланувчи жаҳл устида машинасидан тўппонча олиб, юртдошини ўша жойда отиб ташлаган.
Нима қилиб қўйганини англаган Жўрабоев, яраланган ҳамюртини касалхонага етказган, лекин у бир неча ўқдан олинган жароҳат туфайли жон берган.
Ғани Жўрабоев аввал судланмаган экани айтилади.
Оқбура, Бишкек.
Интернетдан олинган расмда: қўлга олинган Ғ.Жўрабоев
