Руҳонийлариям адоғ бўпти: Ватикан черковда ҳезалакларни дуо қилишга рухсат берди

Рим-католик черкови бу масала юзасидан алоҳида декларация ҳам қабул қилганини очиқлади.

Ватикан раҳбарияти католик черковлари руҳонийларига шу йилнинг 18 декабридан бошлаб черковларда ҳезалакларни, яъни гей жуфтликларни дуо қилишга рухсат берди. Бу борада Рим-католик черковининг фатво бўлими папа Франциск рухсати билан «Fiducia supplicans» (“Ишончга чақирув”) деб номланган декларацияни эълон қилди.

Аҳолиси 1000 кишига етмаган, Рим шаҳри ҳудудида, 44 гектар майдонда жойлашган Ватикан шаҳар-давлати жаҳон католикларининг диний маркази – “муқаддас тож-тахт” саналади ва уни Рим папаси бошқаради. Қонун чиқарувчи, ижрочи ва суд ҳокимияти мутлоқ папанинг қўлида жамланган. Папа кардиналлар томонидан бир умрга сайланади ва унинг қарорлари барча католиклар учун мажбурий фатво ролини ўтайди.

Аслида католик черкови қоидаларига кўра, жинсий алоқага ўзаро никоҳда бўлган эр ва хотин ўртасидагина рухсат берилади ва фақат эркак ва аёлдан иборат жуфтликларгина черковда никоҳдан ўтишлари мумкин.

Унда бу дуо беришнинг никоҳдан нима фарқи бор?

Хабарда айтилишича, «Fiducia supplicans» декларацияси черковнинг азалий қоидаларини ўзгартирмайди. Шунинг учун ҳужжат руҳонийларга гейларни дуо қилиш никоҳга ўхшаб қолмаслигига эътибор қаратишлари лозимлигини уқтиради. Дуо бериш маросимида гей жуфтликларнинг ўзаро узук алмашинуви ва тўй либосларида бўлиши ҳам тақиқланади.

Декларацияда черковнинг “гомосексуализм ўз моҳияти бўйича нотўғри йўл” деган позициясидан воз кечмаслигини айтиб, бу ҳужжат гейларнинг ибодат қилиш учун черковларга эркин кириш ҳуқуқини тан олади, холос.

Ғарб давлатларида эркакларнинг эркаклар билан, аёлларнинг аёллар билан расмий никоҳдан ўтиб, оила қуришлари энг муҳим инсон ҳуқуқлари даражасига кўтарилган. Бу қоида бугунги кунда бутун дунёда кенг тарғиб қилиниб, унга қарши чиққанлар, айниқса мусулмонлар “инсон ҳуқуқларига қарши”, “қолоқ”, “жоҳил” давлат ва миллатлар сифатида эътироф этилади.

Аҳвол шу даражага бориб етдики, айрим давлатлар (Финляндия, Руминия, Венгрия) одамлар билан ҳайвонлар ўртасида (зоофилия) ва бошқалари (испания, Голландия) ака-сингил, ҳатто ота-она ва фарзандлар ўртасида (инцест) ҳам жинсий алоқа бўлишига рухсат берган.

Умуман олганда дунёнинг 22 давлатидагина инцест қонун билан тақиқланган. Кўпгина мусулмон давлатларида бу иш учун ўлим жазоси белгиланган.

Шу вақтнинг ўзида дунёдаги барча динлар бир жинсдаги одамларнинг никоҳини қоралайди, оғир гуноҳ сифатида қабул қилишади. Афтидан, Ватикан бу қарорни ғарб давлатлари босими остида қабул қилган.

Оқбура, Бишкек.

Расм интернетдан олинди